இல்லை

நெடுந்தொலைவைக் கடப்பதற்கு பாதகங்கள் தேவையில்லை
நட்சத்திரங்களைப் பார்த்து கண்கள் கூசுவதில்லை
ஆகாயத்தின் விளிம்பில் காற்று இல்லை
ஆழ்நிலை பக்தியில் அரும்பொருள் இல்லை
பேரின்பத்தில் மயக்கமில்லை
ஆழ்கடலில் அலையில்லை
இருளில் கறை படிவதேயில்லை
துக்கத்தில் இழப்பு மீள்வதேயில்லை
சுயநலத்திற்கு வெட்கம் இல்லை
மயக்கத்திற்கு மானம் இல்லை
அடிமைக்கு அறிவு இல்லை
இறைமைக்கு பொருள் இல்லை
விளையா நிலத்திற்கு வேலி இல்லை
காகிதப் பூவில் தோற்றப்பிழை இல்லை
அழகிற்கு கவர்ச்சி இல்லை